Haryanvi Jokes in Hindi – Haryanvi Chutkule Haryanavi 2018

Haryanvi Jokes in Hindi : Chutkule non veg in hindi, हरयाणवी चुटकुले, Funny Haryanvi Jatt/जाट Jokes/Chutkule in Hindi, हरयाणवी चुटकुले गणे सारे, Haryanvi Chutkule in Hindi, Humorous Jokes in Haryanavi, Jaat Joke in Hindi, Funny Haryanvi Jaat Joke in Hindi, funny jatt photo, Images for funny haryanavi jokes, Haryanvi Chutkule Haryanavi 2018, famous jokes in haryanvi.

Haryanvi Jokes in Hindi – Funny Haryanavi Jokes With Images

बदलू और जागे घणी दारू पीया करते । बदलू की घरवाली किताबो उन-तैं घणी दुखी रहया करती । कतई तंग आ-कै एक दिन उसनै मन बणा लिया अक ईबकै आवण दे अनपूते नै पी कै – लट्ठां तैं कूटूंगी ।

रात नै किताबो बांस की कामड़ी ले कै किवाड़ कै पाछै लुक कै खड़ी हो गई । बदलू पी कै दरवाजे में घुसण लाग्या, तै किताबो नै कामड़ी मार-मार कै उसकी सौड़ सी भर दी । बदलू पिटता-पिटता बोल्या – “ए बेब्बे, गलती हो-गी, मैं तै गलत घर में आ-ग्या” ।

बदलू उल्ट-पाहयाँ जागे धोरै गया अर बोल्या – “जागे भाई, मैं तै आपणा घर भूल-ग्या, एक गलत घर में जा बड़या – तू मन्नै घरां छोड कै आ ।” जागे बोल्या – “अरै, तन्नै घणी पी राखी सै, ल्या मैं छोड कै आऊं सूं तन्नैं तेरै घरां – चिन्ता ना कर ।”

जागे बदलू का हाथ पकड़ कै आगै-आगै चाल पड़या अर बदलू के घर का दरवाजा खुला देख कै उसनै खींचण लाग्या ।

किताबो फिर किवाड़ कै पाछै खड़ी थी, अंधेरे में उसनै कोनी देख्या अक कुण-सा आवै सै । किताबो नै कामड़ी सिंगवा कै जागे की कड़ में टेक दी और लागी उसकी सौड़ सी भरण ।

बदलू थोड़ी सी दूर जा कै बोल्या – “मार बेब्बे, मार साळे कै – पीये ओड़ समझ कै यो मन्नैं फिर एक गलत घर में बाड़ै था” !!

Haryanvi Jokes in Hindi

Haryanvi Chutkule Haryanavi 2018

खोलो, दरवाजा खोलो
एक शराबी आधी रात के बखत नशे में धुत्त सड़क पै चाल्या जावै था । सड़क के किनारे एक खंबे पै, जिस पै एक बल्ब जळै था, उस कै धोरै आ-कै रुक ग्या अर खंभे नै हाथ तैं खटखटावण लाग्या अर आवाज देण लाग्या – “खोलो, दरवाजा खोलो” ।

एक चौकीदार नै यो नजारा देख्या अर उसतैं मखौल करण की सोची । वो शराबी तैं बोल्या – “ओ भाई, हाड़ै घर में कोए कोनी, जा आगे-नै” ।

शराबी बोल्या “कोए क्यूकर कोनी, ऊपर देख – उपर चौबारे की लाइट बी जळण लाग रही सै ।”


Funny Haryanavi Jokes

दो ढ़ाळ का नशा
एक-बै सुण्डू बोतल पी-कै कत्ती धुत्त हो रहया, अर हलता-हलता गाळ में कै आण लाग रहया था । आगै जा कै उसनै देख्या अक दो-चार बूढ़े होक्का पीण लाग रहे थे अर बाणियां आपणी दुकान पै बैठ्या हिसाब सा जोड़ै था ।

सुन्डू बूढ़्यां धोरै जा-कै बोल्या – “ताऊ, राम-राम । कहते हो तै होक्का ताजा कर ल्याऊं, कहते हो तै हाथ-पांव दाबूं । बूढ़े बोल्ले – “ना बेटा, हम राजी सां, ऊपर आळा तेरा भला करै ।”

सुन्डू फेर पहुंच-ग्या बणियां की दुकान कै आगै । बणियां नै देखतीं हें रूका मार-कै बोल्या – “रै बणियें के बीज, सारा गाम लूट लिया साले, अर ईब पईसे गिणै सै ?” अर सुन्डू नै बणिये कै चार लात मारी अर आगै-नै चाल पड़ा ।

बणियां पड़ा-पड़ा न्यूं बोल्या – अड़ चौधड़ी, एक बोतल में दो-दो नशे पहली बार देखे !!

Related Post

Haryanvi Chutkule Haryanavi 2018 – New Harya... Haryanvi Chutkule Haryanavi 2018 : chutkule non veg in hindi, हरयाणवी चुटकुले, Funny Haryanvi Jatt/जाट Jokes/Chutkule in Hindi, हरयाणवी चुटकुले गणे सा...
Loading...

Be the first to comment

Leave a Reply

Your email address will not be published.


*